Dö Buam hom a Schmalz ein,
’s isch koa lötzer dabei,
tragn hoache Palmlattn
kerzngrad nach der Reih!
Tragn sie voll Stolz,
’s kunnt wohl anderscht nit sein
und schliafn damit
bei der Kirchtür durchein.
Es rauscht wia im Wald,
bis die Orgl aufschreit
und niederknian sich Kinder und Leut.
Die Palmlattn stiahn.
Mit Bux, Palmkatzlen, Ölzweig,
auf und auf grüan,
mit Brezn und roate Bandlen verziert,
wia sich’s holt am Palmsunntag gebührt.
Z’löscht wearn sie nachher no gsegnet und gweicht,
dass so a Ölzweig ’s Bease verscheucht,
und dass koa Krankheit Viech und Leut ebba tuat.
Damit isch’s nacher für a Jahr wieder guat.